Рекламный баннер 990x90px bantop
А
04:33 23.12.2024 16+
А. М. Сидорова аатынан "Ситим" к.к. ахсынньы 21 күнүгэр Л. Я. Гермогенова аатынан Күөрдэмнээҕи норуот тыйаатыра С. П. Ефремов драматынан "Ини- бии" пьеса көрдөрдүлэр. Күөрдэм нэһилиэгин олохтоохторо уонна ыалдьыттара тыйаатыр кэрэ эйгэтигэр кыттыһан, испэктээги астына көрдүлэр, сэҥээрдилэр. Ону тэҥэ туруоруу, тыйаатыр тэриллиэҕиттэн оонньоон кэлбит биир бастыҥ артыыспыт Ефимов Николай Николаевич уонна артыыс быһыытынан аҕыйах сыллааҕыттан оонньуур күндү артыыспыт Говоров Валерий Гаврильевич 65 саастарын туолар үбүлүөйдээх күннэригэр анаан турда.
Бу пьесаҕа ордук эдэр талааннаах артыыстар иэйэн-куойан туран оонньообуттара Күөрдэммит тыйаатыра кэскиллээҕин туоhулуур. Ол курдук, быраатты- убайдыы сүрүн оруолларын толордулар эдэрдии - эрчимннээх эдэр дьоммут, Ньуукка- Юристан Федоров, Мэхээс - Прокопий Никонтов, ийэ оруолун оонньоото Раиса Эверстова, Егор Егорович - Валерий Говоров, Михаил Бадин- Николай Ефимов толорууларын көрөөччү чугастык ылынна. Ону тэңэ кыра да буоллар испэктээккэ кэмиэдьийэ жанра баарын кыайа тутан оонньоото Семенов оруолун-Семен Крылов, эдэр талааннаах кыргыттарбыт Катя- Прасковья Сивцева, Дуня- Нария Говорова, таҥас сууйааччы эмээхсин -Анна Ефимова, Спиридон оҕонньор оруолун итэҕэтиилээхтик оонньоото Саха Өрөспүүбүлүкэтин үтүөлээх артыыһа Степан Петров уонна аан маҥнайгытын артыыс быһыытынан сыанаҕа оонньоото кырачаан артыыспыт Илдьар Крылов -Пистолет оруолун толордо.
Испэктээк бүтээтин кытта көрөөччүлэр оонньообут артыыстары ытыстарын дохсун тыаһынан эҕэрдэлээтилэр.
Испэктээк кэннэ, СӨ Ил Түмэн государственнай мунньаҕын депутата, Россия наукатын академиятын Сибиирдээҕи салаатын Дьокуускайдааҕы научнай киин салайааччытын солбуйааччыта Тихон Николаевич Скрябин бэтэрээн артыыстарга Иванов Р.П., Кыах С.Т.у.,уонна үбүлүөйдээх дьоммутугар бочуотунай грамоталары үөрүүлээх быһыыга- майгыга туттарда.
Нэһилиэк депутата биир да театральнай, культурнай тэрээһини көтүппэккэ көрөр Л. П. Платонова улуус културатын управлениятын ааттыттан эҕэрдэ суруктары туттарда.
"Ситим" к. к. кэлэктиибин, Күөрдэмнээҕи норуот тыйаатырын артыыстарын аатыттан үбүлүөйдээх артыыстарга Ефимов Николай Николаевичка, Говоров Валерий Гаврильевичка эҕэрдэ сурук уонна бэлэхпитин туттардыбыт.
Үөрүүлээх тэрээһин түмүгэр "Ситим" вокальнай ансаамбыл ылбаҕай ырыатын бэлэхтээтэ.
Тыйаатыр — ураты эйгэ, манна көрөөччү музыка дьүрүскэн тыаһыгар уйдаран, сыанаҕа буолар кѳстүүттэн үөрэн күлүөн, хомойон ытыан да сөп. Толкуйга түhүѳххэ уонна дьиктиттэн соһуйуохха эмиэ сөп. Билигин, сайдыы тэтимэ түргэнник уларыйа турар кэмигэр, эдэр көрөөччүлэр искусство бу саамай уһулуччулаах эйгэтин — тыйаатыры таптыы, умсугуйа көрөллөрүгэр баҕа санаабын тиэрдэн туран, Саха тыйаатырын төлкөтүн түстэспит улуу Алампа тылларынан түмүктүүбүн: «Тыйаатыр — киһи үчүгэй санаатын уһугуннарар, сайыннарар оскуола» - диэн суолталаах уонна кырдьыктаах этии.
Күөрдэмнээҕи норуот тыйаатырын режисера Олеся Александрова.
Бу пьесаҕа ордук эдэр талааннаах артыыстар иэйэн-куойан туран оонньообуттара Күөрдэммит тыйаатыра кэскиллээҕин туоhулуур. Ол курдук, быраатты- убайдыы сүрүн оруолларын толордулар эдэрдии - эрчимннээх эдэр дьоммут, Ньуукка- Юристан Федоров, Мэхээс - Прокопий Никонтов, ийэ оруолун оонньоото Раиса Эверстова, Егор Егорович - Валерий Говоров, Михаил Бадин- Николай Ефимов толорууларын көрөөччү чугастык ылынна. Ону тэңэ кыра да буоллар испэктээккэ кэмиэдьийэ жанра баарын кыайа тутан оонньоото Семенов оруолун-Семен Крылов, эдэр талааннаах кыргыттарбыт Катя- Прасковья Сивцева, Дуня- Нария Говорова, таҥас сууйааччы эмээхсин -Анна Ефимова, Спиридон оҕонньор оруолун итэҕэтиилээхтик оонньоото Саха Өрөспүүбүлүкэтин үтүөлээх артыыһа Степан Петров уонна аан маҥнайгытын артыыс быһыытынан сыанаҕа оонньоото кырачаан артыыспыт Илдьар Крылов -Пистолет оруолун толордо.
Испэктээк бүтээтин кытта көрөөччүлэр оонньообут артыыстары ытыстарын дохсун тыаһынан эҕэрдэлээтилэр.
Испэктээк кэннэ, СӨ Ил Түмэн государственнай мунньаҕын депутата, Россия наукатын академиятын Сибиирдээҕи салаатын Дьокуускайдааҕы научнай киин салайааччытын солбуйааччыта Тихон Николаевич Скрябин бэтэрээн артыыстарга Иванов Р.П., Кыах С.Т.у.,уонна үбүлүөйдээх дьоммутугар бочуотунай грамоталары үөрүүлээх быһыыга- майгыга туттарда.
Нэһилиэк депутата биир да театральнай, культурнай тэрээһини көтүппэккэ көрөр Л. П. Платонова улуус културатын управлениятын ааттыттан эҕэрдэ суруктары туттарда.
"Ситим" к. к. кэлэктиибин, Күөрдэмнээҕи норуот тыйаатырын артыыстарын аатыттан үбүлүөйдээх артыыстарга Ефимов Николай Николаевичка, Говоров Валерий Гаврильевичка эҕэрдэ сурук уонна бэлэхпитин туттардыбыт.
Үөрүүлээх тэрээһин түмүгэр "Ситим" вокальнай ансаамбыл ылбаҕай ырыатын бэлэхтээтэ.
Тыйаатыр — ураты эйгэ, манна көрөөччү музыка дьүрүскэн тыаһыгар уйдаран, сыанаҕа буолар кѳстүүттэн үөрэн күлүөн, хомойон ытыан да сөп. Толкуйга түhүѳххэ уонна дьиктиттэн соһуйуохха эмиэ сөп. Билигин, сайдыы тэтимэ түргэнник уларыйа турар кэмигэр, эдэр көрөөччүлэр искусство бу саамай уһулуччулаах эйгэтин — тыйаатыры таптыы, умсугуйа көрөллөрүгэр баҕа санаабын тиэрдэн туран, Саха тыйаатырын төлкөтүн түстэспит улуу Алампа тылларынан түмүктүүбүн: «Тыйаатыр — киһи үчүгэй санаатын уһугуннарар, сайыннарар оскуола» - диэн суолталаах уонна кырдьыктаах этии.
Күөрдэмнээҕи норуот тыйаатырын режисера Олеся Александрова.
Оставить сообщение: