Рекламный баннер 990x90px bantop
«Кэскил» юнкордара – оскуола выпускниктара
01:43 24.05.2025 16+
«Кэскил» юнкордара – оскуола выпускниктара
Н.Е. Мординов-Амма Аччыгыйа аатынан «Кэскил» оҕо бэчээтин кыһатын иһинэн үлэлиир медиа оскуолаҕа сыл устата 500-кэ оҕо дьарыктанар. Кинилэри кытта «Кэскил» куратордара, миэстэтигэр медиа кииннэри салайар учууталлар нэдиэлэ биэс күнүн устата ыкса сибээстээхтик үлэлииллэр. Бүгүн биһиэхэ, «Кэскил» куратордарыгар эмиэ долгутуулаах күн: юнкордарбытын олох киэҥ аартыгар атаарабыт.
Оскуолатааҕы сылларыгар юнкор эбээһинэһин бу күҥҥэ диэри сүгэн кэлбиттэрэ туохха туһалаабытын туһунан санааларын үллэстэллэр.
Алина Григорьева, М.Е.Васильева аатынан 2-с Малдьаҕар орто оскуолата, Хаҥалас:
– Юнкор мин сайдарбар улахан оруолу оонньоото. Юнкор буолуохпуттан элбэх доҕоттордоннум, араас улахан тэрээһиннэргэ, атын куораттарга сырыттым. Бу барыта миэхэ тугу саныырбын сааһылаан этэргэ, дьон иннигэр тахсан кыбыстыбакка саҥарар буоларга, бэйэм күүспэр, кыахпар эрэнэр буоларга үөрэттэ.
Нарыйана Матвеева, М.Е.Васильева аатынан 2-с Малдьаҕар орто оскуолатын медиа киинэ, Хаҥалас:
– Юнкордаабытым миэхэ суруналыыстыка эйгэтигэр дьоҕурбун сайыннарарга кыах биэрбитэ. Билигин юнкор быһыытынан ыстатыйалары суруйан, санааларбын киэҥ аудиторияҕа үллэстэр кыахтаахпын, интэриэһинэй матырыйааллары бэлэмнээһиҥнэ кыттыахпын сөп, медиа киин састаабыгар киирбиппэр олус махтанабын.
Карина Китаева, «Импульс» пресс киин, Покровскай 3 №-дээх орто оскуолата, Хаҥалас:
– Пресс кииҥҥэ 3 сыл дьарыктанным. Манна дьарыктанарым тухары дьону истэ эрэ буолбакка, тугу этэллэрин, тиэрдэ сатыылларын өйдүү үөрэнним. Хамаандаҕа үлэлииргэ, информацияны сөпкө тиэрдэргэ үөрэнним. Биллэн турар, киһи быһыытынан олус сайынным. Араас дьону барыларын кытта уопсай тыл булар буоллум. Маны таһынан, юнкордуурум инники идэбин таларбар олук буолла. Инникитин медиа эйгэни кытары ыкса үлэлиир былааннаахпын.
https://vk.com/keskilmedia
Н.Е. Мординов-Амма Аччыгыйа аатынан «Кэскил» оҕо бэчээтин кыһатын иһинэн үлэлиир медиа оскуолаҕа сыл устата 500-кэ оҕо дьарыктанар. Кинилэри кытта «Кэскил» куратордара, миэстэтигэр медиа кииннэри салайар учууталлар нэдиэлэ биэс күнүн устата ыкса сибээстээхтик үлэлииллэр. Бүгүн биһиэхэ, «Кэскил» куратордарыгар эмиэ долгутуулаах күн: юнкордарбытын олох киэҥ аартыгар атаарабыт.
Оскуолатааҕы сылларыгар юнкор эбээһинэһин бу күҥҥэ диэри сүгэн кэлбиттэрэ туохха туһалаабытын туһунан санааларын үллэстэллэр.
Алина Григорьева, М.Е.Васильева аатынан 2-с Малдьаҕар орто оскуолата, Хаҥалас:
– Юнкор мин сайдарбар улахан оруолу оонньоото. Юнкор буолуохпуттан элбэх доҕоттордоннум, араас улахан тэрээһиннэргэ, атын куораттарга сырыттым. Бу барыта миэхэ тугу саныырбын сааһылаан этэргэ, дьон иннигэр тахсан кыбыстыбакка саҥарар буоларга, бэйэм күүспэр, кыахпар эрэнэр буоларга үөрэттэ.
Нарыйана Матвеева, М.Е.Васильева аатынан 2-с Малдьаҕар орто оскуолатын медиа киинэ, Хаҥалас:
– Юнкордаабытым миэхэ суруналыыстыка эйгэтигэр дьоҕурбун сайыннарарга кыах биэрбитэ. Билигин юнкор быһыытынан ыстатыйалары суруйан, санааларбын киэҥ аудиторияҕа үллэстэр кыахтаахпын, интэриэһинэй матырыйааллары бэлэмнээһиҥнэ кыттыахпын сөп, медиа киин састаабыгар киирбиппэр олус махтанабын.
Карина Китаева, «Импульс» пресс киин, Покровскай 3 №-дээх орто оскуолата, Хаҥалас:
– Пресс кииҥҥэ 3 сыл дьарыктанным. Манна дьарыктанарым тухары дьону истэ эрэ буолбакка, тугу этэллэрин, тиэрдэ сатыылларын өйдүү үөрэнним. Хамаандаҕа үлэлииргэ, информацияны сөпкө тиэрдэргэ үөрэнним. Биллэн турар, киһи быһыытынан олус сайынным. Араас дьону барыларын кытта уопсай тыл булар буоллум. Маны таһынан, юнкордуурум инники идэбин таларбар олук буолла. Инникитин медиа эйгэни кытары ыкса үлэлиир былааннаахпын.
https://vk.com/keskilmedia
Оставить сообщение: